Booliiska Soomaaliya oo soo saaray amar ka dhan Mooto Bajaajyada habeenkii shaqeeya


Spread the love
Isniin, July 11, 2022 (HOL) – Taliska Booliiska Soomaaliya ayaa Maanta galinkii dambe ku dhawaaqay iney soo gabagabeeyeen wajigii koowaad ee howlgalka ay ugu magac dareen Samakaab oo maalmahii lasoo dhaafay ciidanka kula dagaalamayeen burcada hubeysan iyo isticmaalka waxyaabaha maanka dooriya.Afhayeenka ciidanka Booliska Soomaaliya oo shir jaraa’id warbaahinta ugu qabtay Muqdisho ayaa sheegay in wajiga koowaad ee howgaladii ay wadeen ay kuso qabqabteen  kooxo burcad ah oo dadka dhibaateyn jiray, maandooriye aad u fara badan iyo dadkii ka ganacsanaayay.

Afhayeenka ayaa shirkiisa jaraa’id ku sheegay inaan gudaha magaalada Muqdisho lagu arki karin Mooto Bajaaj ka dhex shaqeyneysa mar hadii la gaaro 12:00-AM ama lixda saac ee habeenimo, isagoona inta ku daray inaan Muqdisho lagu dhex arki karin askari hubeysan aanan qeyb ka aheyn ciidanka howlgalka sameeynaya.

“Waxaa bilaabanaya wajiga labaad ee howlgalka Samakaab, waa dambi in la arko Mooto Bajaaj shaqeyneysa wixii ka dambeeya 12:00-AM Saqda dhexe mootadii socota xiliga kadib waxaa loo aqoonsanaya kuwa wax dhibaateeya, sido kale ma dhici karto shaqsi wata dareeska ciidanka iyo Qori in lagu arko Xaafada Muqdisho” ayuu yiri Afhayeenka ciidanka Booliidka Soomaaliya Cabdifataax Aadan.

Hadalka Afhayeenka Booliiska Soomaaliya ayaa imaanaya xili Maanta Taliyaha ciidanka xoogga dalka Soomaaliyeed Odawaa Yuusuf uu sheegay inaan Muqdisho lagu dhex arki karin askari hubeysan oo dareeska ciidanka xiran oo dhex socda xaafadaha magaalada Muqdisho.
    


Like it? Share with your friends!

0

Comments

comments