Garowe oo lagu soo bandhigay Dalagyo Beereed kala duwan- SAWIRO


0

Iskaashatada Beeraleyda Puntland ayaa magaalada Garoowe ee Caasimadda Puntland maanta kusoo bandhigay Wax-soosaar ku saabsan dalagyada Beeraha ee ka baxa gudaha Puntland kadib munaasabad lagu xusayay maalinta Beeraha Puntland oo lagu qabtay Garowe.

Masuuliyiin ka tirsan wasaaradda Deegaanka ,Beeraha iyo isbedelka Cimilada Puntland ayaa Beeraleyda kala qeybgalay Munaasabadda xuska maalinta Beeraha oo ay kusoo Bandhigeen Waxsoo saarkooda dhanka Beeraha sida noocyada kala duwan ee Khudaarta ,Miraha iyo dalagyo kale sida Galeyda iyo Haruurka.

Beerelayda Puntland ayaa Bandhigga Munaasabadda ka sheegay in loo baahan yahay in dadka reer Puntland ay kalsooni u muujiyaan wax-soosaarka beeraha kabaxa Puntland lagana maarmo Dalagyada Beeraha ee laga soo waarido deegaanada kale.

Waxa ay sheegeen in ay jiraan caqabado ka haysta Wax beerashada ,Wasaaradda Deegaanka ,Beeraha iyo isbadalka Cimilada Puntland ayayna ugu baaqeen in ay ka caawiso horumarinta wax soosaarkooda.

Horseed Media


Like it? Share with your friends!

0

0 Comments

Your email address will not be published. Required fields are marked *