Guddiga qiimeeynta degmada Garbahaareey Oo Kulankii Ugu Horreeyay Yeeshay


Spread the love

Madaxweyne kuxigeenka koobaad Jubbaland Maxamuud Sayid Aadan ayaa daahfuray kulankii koobaad ee ay Guddiga uu Ra’isul wasaaraha xukuumada Soomaaliya Maxamed Xuseen Rooble u xilsaaray qiimeynta xaaladda deegaan doorashada labaad ee Jubbaland (Garbahaarey) ay la yeeshaan siyaasiyiin Jubaland ee kasoo jeeda Gobolka Gedo.

Wakiilada labada gole ee Dowladda oo deegaan doorashadoodu tahay Gobolka Gedo xubno ka tirsan aqalka sare iyo siyaasiiyiin ka soo jeeda Gobolka Gedo ayaa goobjoog ahaa kulanka.

Wakiilada ayaa guddiga u gudbiyey warbixin soo koobeeysa caqabadaha ku xeeran in doorasho lagu qabto deegaan doorashada labaad Garbaharey iyo xalkeeda.

Madaxweyne kuxigeenka koobaad Jubbaland Maxamuud Sayid Aadan oo hadlay ayaa sheegay in guddiga ay u gudbiyeen dhowr caqabadood oo hortaagan in Garbahaareey doorasho lagu qabto iyo sida uu xalka noqon karo.

Muddo ku dhawaad laba sano ah ayya taagan tahay arrinta Gobolka Gedo oo ay isku hayaan Villa Somalia iyo Maamulka Jubbaland, waxaana warbixin laga sugayaa Guddiga uu Ra’iisul Wasaaraha u xilsaaray xaaladda Garbahaareey.


Like it? Share with your friends!

0

Comments

comments