0

Sheekh Zakir Naik

Xigashada Sawirka, Zakir Naik

Qoraalka sawirka,

Sheekh Zakir Naik

Sheekha caanka ah ee u dhashay dalka Hindiya ee wacdiya, Zakir Naik, ayaa bartiisa Facebook soo dhigay qoraal uu wiilkiisa ugu raadinayo gabar uu guursado.

Qoraalka Sheekha ayaa waxaa la socda waraaqo ay ku qoran yihiin macluumaadka wiilkiisa iyo shuruudaha laga rabo gabadha uu la doonayo wiilkiisa Fariq.

“Waxaan xaas u raadinayaa wiilkayga Fariq, Waxaan u rabaa Gabar Muslim ah oo suubban oo leh akhlaaq wanaagsan, si ay wiilkayga iyo xaaskiisu u noqdaan laba qof oo midba midka kale u sheego wanaagga.”

Sheekha ayaa waxa uu intaasi ku daray, “haddii aad tahay aabbaha ama qaraabada gabar aad u malaynayso inay shuruudahaan buuxin karto, sidoo kalana oggolaata inay ka war doonto arrintan, waxaan si khushuuc leh kaaga codsan lahaa inaad ku soo jawaabto qoraalkan macluumaadka dheeriga ah ee loo baahan yahay.”

Fariq Zakir Naik oo dhashay 10-kii bishii July 1994-tii, oo dheererkisu yahay 170 sentimitar, kuna nool dalka Malaysia ayaa sharuudaha gabadha loo raadinayo waxaa ka mid ah:

1. In ay tahay gabadh Muslimad ah, ayna ugu dhaqanto sida ay diinta fareyso.

2. In sunnada ay aad ugu dedaasho inta karaankeeda ah.

3. In luqadaha Ingiriiska iyo Carabiga ay taqaano.

4. In ninkeeda ay ku dhiiragelin karto dadaalka dawcwadda

5. In ay xaafidul Qur’aan tahay.

5. In ay diyaar u tahay in Malaysia ay degto.

6. In Shahaadadaa Koobaad ee ‘Bachelor Degree’ ay ka haysato diinta Islaamka.

7. In ay dhageysatay dhowr daaci oo ku wacdiya luuqadda Ingiriiska iyo qaar kale oo ku xussan warqadda hoose ee uu soo qoray Dr Zakir Naik.

Xigashada Sawirka, Dr Zakir Naik

Qoraalka sawirka,

Dr Zakir Naik

Waa kum Zakir Naik?

Qaabka adadag ee Zakir uu u adeegsado diinta ayuu wakhti dheer muran ka taagnaa.

Dad badaan oo al-Qaacida taacabsan oo la xiray ayaa saraakiisha u sheegay in uu saamayn badan ku lahaa.

In uu dalka Britain galo ayaa laga mamnuucay sannadkii 2010, waxayna ku sababeeyeen “dabcigiisa aan la aqbali karin” iyo khudbadahiisa, sida ay wakhtigaas sheegtay wasiiraddii arrimaha gudaha oo hadda ah Ra’iisulwasaare Theresa May.

Si kastaba ha ahaatee waxay indhaha caalamku qabteen bishii Luulyo ee sannadkii 2016 ka dib weerarkii darnaa ee lagu qaaday makhaayadda Holey Artisan ee magaalada Dhaka.

Warbaahinta Bangladesh ayaa sheegtay in mid ka mid ah ragga weerarkaas gaystay uu ka shidaal qaatay khudbadihiisii. Qaybihii dambe ee isla bishaasna Bangladesh waxay mamnuucday Peace TV.

Bishii Nofeembar ee sannadkii 2016 hay’adda argagixiso la dagaalanka ayaa cabasho rasmi ah ka gudbisay Zakir, iyada oo ku eedaysay in uu faafinayo nacayb diimeed iyo hawlo aan sharciga waafaqsanayn.

Zakir ayaa Malaysia u wareegay 2017.


Like it? Share with your friends!

0

0 Comments

Your email address will not be published. Required fields are marked *