0

Madaxwaynaha oo salaan ka qaadanaya cidamada

Xigashada Sawirka, Kenya state house

Qoraalka sawirka,

Madaxwaynaha oo salaan ka qaadanaya cidamada

Madaxweyne Dalka Kenya Uhuru Kenyatta ayaa dhawaan booqday Lamu halkaasi oo uu xarigga ka jaray saldhig ballaaran oo ay ciidamada badda ku yeelan doonaan Manda Bay oo ka tirsan deegaanka Lamu .

Intii uu booqashada ku jiray ayuu madaxweynuhu xarigga ka jaray taallada KNB Manda.

Sida laga soo xigtay Ciidanka Difaaca Kenya, taallada ayaa lagu xusayaa askartii dhimatay ee naftooda ku waayay iyagoo gudanaya waajibaadkooda shaqo ee dalka.

Uhuru ayaa sidoo kale ubax dhigay Taalada Manda ee KNB.

Wuxuu kaloo xarigga ka jaray garoon diyaaradeed oo uu saldhigaasi Manda yeelan doono.

Madaxwayne Kenyatta oo khudbad jeediyay markii uu saldhigani xarigga ka jaray ayaa sheegay in saldhigani uu muhiim u yahay madaxbanaanida Kenya iyo sugidda ammaanka xuduudaha.

Taliyaha militariga Kenya Janaraal Robert Kibocho ayaa dhankiisa sheegay in saldhigan uu taageero siin doono ciidamada Kenya ee ku sugan Kismaayo

Maxaa xilligan ku soo beegay xoojinta ciidamada badda Kenya?

Xigashada Sawirka, Kenya State House

Qoraalka sawirka,

Madaxwayne Kenyatta oo salaan qaadanaya

Ciidamada badda ee dalka Kenya ayaa waxaa muddoyiinkii u dambeeyay ku socday dib u habeyn xooggan.

Dowladda Kenya ayaa maraakiib cusub oo casri ah u soo iibsay ciidamada badda.

Maxamed xaaji Dahqane oo ah sargaal howgab ka noqday ciidamada badda Kenya ayaa sheegay in sadeetameeyadii tirada iyo tayada ciidamada badda ee Kenya ay ahayd mid yar, balse imika la xoojiyay.

Waxaa uu sheegay in xilligii uu ka midka ahaa ciidamada badda ay haysteen maraakiib yaryar, balse imika ay ku howlgalaan maraakiib casri ah.

“1974 ilaa 1987-dii waqtigaas ciidan isk yar ayuu ahaa oo 3 ilaa far markab oo yaryar ku howlgala laakiin gadaashan intaan ka so baxay aad ayay u koradhay ciidamada badda Kenya maraakiib badan oo casri ah ayaa lagu soo kordhiyay,” ayuu yiri Mr Maxamed Dhaqane.

Waxaa uu intaa ku daray in waxa xilligan ku soo beegay in la xoojiyo saldhiga Manda Bay ay tahay iyada oo la furi rabo dekadda Lamu oo ah mid aad u ballaaran loona baahan yahay in la sugo ammaanka aagaasi.

“Waxaa Manda Bay waxaa hadda saldhig looga dhigay, lamu waxay noqonaysaa waa furdaddii labaad ee ugu wayn sidaa aawadeed marka waxay kalifta in la helo ciidan bad oo awood leh in meesha la dhigo si ay u sugaan nabadda furdada Lamu,” ayuu Mr Maxamed.

Maxamed xaaji Dahqane oo oo horey uga tirsanaa ciidamada badda ee Kenya ayaa dhanka kale sababta xilligan ku soo beegay saldhigan waxaa uu ku tilmaamay in ammaan darada ay sababayaan Al-Shabab ee deegaanka Lamu ay sii koradhay islamarkana loo baahan yahay ciidamo bad oo suga ammaanka xeebaha.

“Midda kale aagaaasi waxaa uu noqday mid ay nimankan dhalinyarada Soomaaliya ay soo galaan,” ayuu intaa ku daray.

Mr Dhaqne ayaa farta ku fiiqay in ciidamada badda ee Kenya ay 5 sano ilaa 10 sano ee la soo dhaafay ay sii xoogeysanyeen islamarkana lagu tilmaami karo “kuwa ugu awoodda badan bariga Afrika”.

“Waxaan aaminsanahay in awoodda ciidamadda badda ee Kenya 5 sano ama 10 sano ee la so dhaafay aad ayay u kobocday, waxaan u maleynayaa in bariga Afrika ay imika yihiin ciidamada ugu awoodda badan, awood-na u leh inay daafacdaan biyahooda,” ayuu intaa ku daray.

Miisaaniyadda loo qoondeeyo howlaha gaashaandhigga ama difaaca ee dalka Kenya waa $121,000,000 oo doolar.


Like it? Share with your friends!

0

0 Comments

Your email address will not be published. Required fields are marked *